Patay ang apat ka crew kag duha ka Yemeni rescuers sang isa ka cargo ship sang Yemen bangud sa pag-atake sang Iran-backed Houthi rebels.
Ang nasambit nga cargo ship naglabay sa Bab el-Mandeb Strait nga amo ang makitid nga alagyan sa tunga sang Yemen kag Africa.
Nagakonekta man ini nga Strait sa Red Sea kag Gulf of Aden.
Dala sa napatay ang tatlo ka Pakistani kag isa ka Indonesian lakip man ang 10 ka nasamaran bangud sa insidente.
Sa separado man nga insidente, gin-atake sang US military ang Panama-flagged container ship Vela Nova sa Gulf of Oman.
Ini matapos magpadayon padulong sa Iranian port ang barko apisar pa nga may ara sang warning.
Nahibaluan nga bangud sa padayon nga tension, naglab-ot sang masobra 50% ang shipping traffic sa Bab el-Mandeb Strait, samtang mas dako man ang pagnubo sang mga barko nga nagaagi sa Strait of Hormuz.
