Padayon pa ang imbestigasyon sang Pototan Municipal Police Station matapos ang nagluntad pagpanghold-up sa Brgy. Bonco, Pototan, Iloilo sang Agosto 20.
Sa interview sang Bombo Radyo kay PLt. Col. Arnel Solis, spokesperson sang Iloilo Police Provincial Office, iya ginpahayag nga ang duha ka biktima ang lunsay mga sales agent sang liquor drinks.
Nahibaluan nga ang mga biktima ang naga-deliver kag nagakolekta sang bayad sang produkto nga ila nga ginabaligya.
Suno kay Solis, samtang yara ang mga biktima sa Brgy. Bongco sakay sa closed van, gulpi lang nagpalapit ang duha ka lalaki nga sakay sa ila motorsiklo kag didto na nagdeklarar sang hold-up.
Ginpahayag man nga ang nakuha sa mga biktima ang isa ka knapsack bag kag sling bag nga may unod nga nagabalor sang kapin P21,000.
Sa subong, at large pa ang mga suspek kag ginatinguhaan sang mga kapulisan nga makilal-an ang mga ini agud mapasakaan sang kaso nga Robbery.
