Ginpapasa sang Office of the Ombudsman sanday Senator Loren Legarda kag Batangas Representative Leandro Leviste sang ila counter-affidavit may kaangtanan sa mga reklamo nga plunder kag graft.
Ini nga complaints ang kasunod sa ginapahayag nga palpak nga solar power services sa idalom sang kompanya ni Leviste.
Suno kay Assistant Ombudsman Mico Clavano, nagpagwa na sang order ang Ombudsman nga nagapangayo sa duha nga magpaathag kasunod sa mga reklamo.
Ginkwestyon man ni Clavano ang sunod-sunod nga pagpa-extend ni Legarda sang iya medical leave.
Pahayag sang Assistant Ombudsman, kun matuod nga may seryoso nga balatian si Legarda, kuntani isa lang ka medical leave ang iya ginpangayo kag indi ang sunod-sunod nga pagpalawig sini.
Dugang ni Clavano, ang padayon nga pagpabilin ni Legarda sa gwa sang pungsod nagadugang man sa pagduha-duha sang Ombudsman.
“Kung talagang meron siyang serious illness, sana isa lang po yung hiningi niya na medical leave, hindi yung pa-extend-extend. And that is the only reason why the Office of the Ombudsman had to flag that type of pattern. If you are out of the country, it adds to the speculation or adds to the suspicion of the Office of the Ombudsman,” suno sa opisyal.
“Sana po ay manatili muna kayo dito sa bansa para po medyo maliwanagan po tayo doon sa nangyari at maliwanagan din ang taong-bayan sa katotohanan,” dugang sini.
Una na nga ginsiling ni Senate President Win Gatchalian nga ginpa-extend ni Legarda ang iya medical leave bangud sa “serious illness.”
Sa nauna naman nga paathag ni Legarda, gintawag sini nga wala sang basehan ang akusasyon sa iya: “All my public life since 1998, I have always upheld my integrity, which I value dearly. This baseless allegation is a smear on my person that is totally undeserved.”#
