Gin-extend ni Senator Loren Legarda ang iya medical leave tubtob sa ikaduha nga semana sang Oktubre.
Base sa kumpirmasyon ni Senate Secretary Renato Bantug, gin-palawig ni Legarda ang iya leave sa masunod nga mga petsa—Setyembre 21 tubtob 23, Setyembre 28 tubtob Oktubre 2, kag Oktubre 5 tubtob 9.
Ini ang dugang sa iya mga nauna nga leave nga nagsugod pa sang Agosto 3, 2026.
Suno kay Bantug, epektibo sa gihapon subong ang 2016 order ni anay Senate President Franklin Drilon nga nagabutang sang requirement nga magpangayo sang permiso sa Senate President para sa personal nga pagbiyahe sang mga senador pakadto sa luwas sang pungsod
Nahibaluan nga nadula si Legarda sa Senado matapos gin-anunsyo sang Ombudsman nga gina-imbestigaran ang mga plunder complaint batok sa iya kag sa iya anak nga si Batangas Representative Leandro Leviste may kaangtanan sa solar power franchise nga ginhatag sa kompanya sini.
