Ginpahayag sang isa ka infectious disease specialist nga ang doxycycline ang mahimo gamiton bilang post-exposure prophylaxis ukon preventive medicine para sa mga tawo nga na-expose sa baha ukon tubig nga posible kontaminado sang Leptospira bacteria.
Sa interview sang Bombo Radyo kay Dr. Tomas T. Saiton, Jr., isa ka Infectious Diseases Specialist, iya ginpahayag nga mahimo nga proteksyon sa balatian nga leptospirosis ang doxycycline apang indi ini dapat basta-basta nga inumon nga wala sang konsultasyon sa doctor.
Ini bangud nga masiguro nga wala sang komplikasyon ang isa ka tawo sa nasambit nga bulong kag masiguro man nga insakto nga dosage ang imnun sini.
Apang, ginklaro man sang doktor nga indi 100% ang garantiya ang doxycycline nga indi na makasuprer sang leptospirosis ang isa ka tawo kundi mahimo ini makabulig sa pagpanubi sang risgo.
Ginpaathag pa niya, kun mahimu nga malikawan ang paglusong sa baha dapat gid ini nga likawan bangud nga daku ang risgo sini sa kabuhi sang isa ka tawo.
Dugang pa, likawan man ang self-medication kag gilayon nga magpakonsulta sa doctor kun naga-eksperyensya sang hilanat matapos maglusong sa baha.
