Ginpaathag ang isa ka legal expert nga indi kinahanglan ang traditional nga mugshot ukon pagkuha sang litrato sa police station kon ang akusado mismo ang personal nga nag-surrender sa korte kag magproseso sang iya piyansa.
Ini ang kaangtanan sa personal nga pag-surrender ni Vice President Sara Duterte sa korte para mag-post sang pyansa sa isa nga kaso nga grave threats sang Setyembre 5.
Sa interview sang Bombo Radyo kay Atty. Jeremy Moreno, professor sa University of San Agustin, College of Law, iya ginpahayag nga bailable offense ang kaso nga ginaatubang sang bise president rason nga may proseso nga dapat sundon para makakuha sang temporary liberty kag ma-lift ang warrant of arrest.
Suno kay Atty. Moreno, sunod sa procedure sang Supreme Court, kon direkta nga mag-surrender ang akusado sa korte, indi na kinahanglan nga magpa-mugshot pa ini sa police station.
Sa baylo, dapat nga may yara na nga daan sang mga litrato nga ipasa sunod sa ginapangayo sa bail requirements, lakip ang litrato nga white background kag kuha sa front, left kag right side sang akusado.
Paathag sang abogado, ang ginpatuman nga proseso sa pag-surrender kag pag-post sang bail ni Duterte ang isa ka normal nga legal procedure para sa isa ka akusado nga may warrant of arrest.
