Personal nga nag-atubang si anay President Rodrigo Duterte sa International Criminal Court ukon ICC kahapon nga adlaw, Setyembre 16, sa The Hague, Netherlands.
Suksok ang dark suit kag white shirt nga wala sang tie, kaupod ni Duterte ang myembro sang defense team kun sa diin ila gindiskusyunan ang presentasyon sang kaso.
Ini ang labing una nga kahigayunan matapos ang 18 ka bulan nga wala makit-an sang publiko ang anay presidente nga ginpaidalom sa kustodiya sang ICC.
Nahibaluan nga nagapangatubang si Duterte sang tatlo ka counts sang crimes against humanity nga may kaangtanan sa drug war sang sadto anay iya nga administrasyon.
Magapabilin naman sa kustodiya sang International Criminal Court si Former President Rodrigo Duterte suno sa ICC judges.
Ini bangud sa dako nga tsansa nga magtakas ukon magpasilabot sa trial si Duterte samtang nagahilapit ang trial suno pa sa korte.
Nakatalana nga paga-umpisahan ang trial sa Nobyembre 30.
