Ginpaathag sang Department of Labor and Employment ukon DOLE nga ginpatawag na nila ang mga partido nga involved sa reklamo sang mga construction workers nga duha na ka semana nga wala makabaton sang ila nga mga sweldo.
Ini matapos nagpa-Bombo ang pila ka mga construction worker kag contractor nga isa na ka bulan sila nga nagatrabaho sa pag-ubra ka isa ka condomimium sa distrito sang Mandurriao apang duha na sa semana ang nagligad wala pa nila nabatun ang ila nga sweldo.
Sa interview sang Bombo Radyo kay Arlyn Siaotong, Field Administrative Officer sang DOLE 6, iya ginpahayag nga gin-refer na ang reklamo sa ila Single Entry Approach ukon SENA agud nga mapag-areglo ang concern sang mga trabahador kag amo man ang ila employer.
Suno kay Siaotong, magluwas sa duha na ka semana nga wala nasweldohan ang mga trabahador, wala na man sang iban pa nga reklamo nga ginpresentar ang mga ini.
Pahayag niya, pagasiguradon sang ahensya nga mabuligan ang mga workers nga mabaton gilayon ang ila sweldo.
Dugang pa ni Siaotong, ginapahanumdoman gid sang DOLE ang mga employers nga dapat on time ang paghatag sang suweldo sa ila nga mga empleyado.
