Nagdangat na sa masobra 170, 000 sang acute respiratory infections ang na-record sa pito ka rehiyon nga apaektado sang haze halin sa wildfire sa Indonesia.
Suno sa Health Ministry, masobra 400, 000 ka pasyente amo ang mga magagmay nga kabaataan.
Halin ini sa masobra 113, 000 nga kaso sadtong Setyembre 9, nga nagapakita lamang nga nagtaas ang numero sang mga nagakasakit bangud sa haze.
Kabahin sa pollutant nga aso amo ang PM 2.5 ukon particulate matter 2.5 nga may posibilidad nga makaapekto sa respiratory infections.
Nagpadala naman ang gobyerno sang Indonesia sang oxygen concentrators, face masks kag oxygen canisters sa mga apektado nga lugar.
Ginapaandaman naman ang publiko nga likawan anay ang mga outdoor activities, magsuksok sang mask kag mag-inom sang nagakaigo nga tubig.
Nahibaluan nga nangin mas dako ang epekto sang sunog subong nga tuig bangud sa El Niño, magluwas sa epekto sang climate change, forest degradation kag slash-and-burn practices.
