Ginpaidalom sa State of disaster ni Bangkok Governor Chadchart Sittipunt ang bug-os nga Bangkok, Thailand, matapos ang tuman nga pagbaha sa lugar.
Kabahin diri amo ang 50 tanan ka distrito kun sa diin apektado gid ang palangabuhian sang mga residente.
Kasunod sang deklarasyon, naghatag naman sang nagakaigo nga mga tikang ang Bangkok Metropolitan Administration (BMA) kag iban pa nga state agencies agud madasig nga masolbar ang nasambit nga pagbaha.
Base sa data, yara sa 300 millimeters of rain fall ang narekord sa Bangkok sa sulod sang 48 hours ukon duha ka adlaw nga nagtuga sang dako nga halit sa lugar.
Ginpakigbahin man sang Bangkok Governor nga ginapaabot nga amat-amat na nga maga-subside na ang baha subong nga weekend.
