Nagapati si Commission on Higher Education (CHED) Chairperson Dr. Shirley Agrupis nga indi ma-islan sang artificial intelligence (AI) ang papel sang mga manunudlo sa mga eskwelahan.
Suno kay Dr. Agrupis, apisar nga epektibo kag efficient ang AI sa pagproseso kag pag-integrate sang mga datos, nga makahatag sang trends kag analysis sa sulod lamang sang pila ka segundo ukon minuto, lain sa gihapon ang kapasidad sini sa mismo nga human intelligence.
Ini bangud, pagpaathag niya nga ang AI ang nagadepende sa mga datos nga ginahatag sa sini, samtang ang human intelligence nagabase sa aktuwal nga eksperyensya sang tawo.
Ginpahayag man ni Dr. Agrupis nga wala ginadula sang CHED ang paggamit sang AI sa higher education agud indi maulihi ang mga institusyon sa pag-uswag sang teknolohiya.
Ginpakigbahin man niya, nagpagwa na ang CHED, kaupod ang mga sektor sang gobyerno, sang mga polisiya nga mangin giya sang mga higher education institution sa husto nga paggamit sang AI.
Dugang pa Dr. Agrupis nga indi dapat maglapaw sa 20 porsyento ang paggamit sang artificial intelligence.
