Ginkumpirma sang Department of Foreign Affairs (DFA) Spokesperson Analyn Ratonel subong nga Lunes, Oktubre 19 nga wala sang Filipino nga nasamaran sa protesta nga ginhiwat sa Paris, France kag Milan, Italy.
Base ini sa data sang Philippine Embassy sa Paris kag Philippine Consulate General sa Milan.
Kasunod ini sang nangin bayolente nga protesta sa nasambit nga mga lugar sa Europa rason nga nagkinagamo ang mga pulisya kag mga protesters, lakip na ang nagluntad nga mass looting kag property damage.
Suno sa France’s Interior Ministry, naglab-ot sa 2,400 ka tawo ang gin-aresto sang Sabado, Oktubre 17 kag halos 1,000 naman ka mga pulis ang nasamaran sa nasambit nga protesta.
Text by: Bombo Paula Yvonne Alavarta
