Nagahinyo ang grupo nga Concerned Health Workers of the Department of Health (DOH) kay President Ferdinand Marcos Jr. nga magpatigayon sang masangkad nga reporma sa ila ginalakipan nga ahensya.
Sandig sa sulat nga ila ginpadala sa presidente kag Civil Service Commission (CSC), naalarma ang grupo sa mga problema sa kaayuhan, responsibilidad, kag pagdumala sa sulod sang DOH.
Ginapat-od sang grupo nga integridad ang dapat pagabasehan sa pagpili sang mga opisyales kag indi ang favoritism.
Kaangot diri, ila man nga nasambit ang CY 2025 Executive Committee Performance Ranking sang DOH kun sa diin nagpanguna ang opisina ni Assistant Secretary Frances Mae Cherryl Mae K. Ontalan nga nakaagum sang masobra 88.24% nga accomplishment rate.
Bangud sini, ila ginkwestyon ang paghalin sang mga opisyales nga may mataas nga rating, pati man ang mga spekulasyon batok sa graft kag corruption.
