Nagpaandam si constitutional law expert Atty. Michael Henry Yusingco nga posible nga mautod ang komunikasyon nga diplomatiko sa tunga sang Pilipinas kag China pananglitan magdesisyon si Presidente Ferdinand Marcos Jr. nga palayason sa pungsod si Chinese Ambassador Jing Quan.
Suno kay Yusingco, posible nga magbalos ang China paagi sa pagpalayas man sang ambassador sang Pilipinas sa ila nga pungsod.
Gin-athag naman niya nga wala ini nagakahulugan nga magaresulta gid ini sa giyera.
Sa baylo, possible maglala lang ang diplomatiko nga relasyon.
Dugang ni Yusingco, indi man dapat mabalaka sa posibilidad sang trade war bangud indi ini ang gilayon nga epekto kun palayason ang ambassador.
