Napuhag ang mga estudyante kag mga manunudlo sang isa ka eskwelahan sa Opol, Misamis Oriental matapos may madiskobrehan nga pusil kag pocket knife sa bag sang isa ka Grade 3 pupil.
Natabo ang insidente ala-una sang hapon sang Oktubre 21.
Base sa panaysayon sang tanod sa eskwelahan, una nga nahulog ang kutsilyo halin sa bag sang estudyante.
Gin-inspeksyon sang mga ini ang bag kag nakit-an ang pusil nga calibre .22 nga may upod nga lima ka bala.
Suno pa sa suspek nga ang iya magulang nga Grade 4 student ang nagbutang sang pusil sa iya nga bag.
Ginpahayag nga wala ginpaagi sa gate ang nasambit nga bag bangud nga sang gin-inspeksyon ini sa gate sang eskwelahan wala ini makit-an.
Ginturn-over na sa social worker ang estudyante para sa kinahanglanon nga intervention, samtang, nagapadayon naman ang imbestigasyon sang kapulisan sa kun sin-o ang nagapanag-iya sang pusil.
