Pasakaan sang kaso nga direct assault sang Iloilo Provincial Government ang driver sang truck nga nagakarga sang quarry materials nga nagpalagyo sa mga katapo sang Provincial Anti-Overloading Task Force sa banwa sang Zarraga, Iloilo sadtong Oktubre 10.
Ginkilala ang driver kay Arnel Labro, tumandok sang Cubao, Quezon City.
Suno kay Provincial Legal Officer Atty. Dennis Ventilacion, gin-athag sang nagapanag-iya sang truck nga wala na nakabalik sa iya ginaobrahan ang driver halin sang nagpalagyo ini.
Posible man nga mag-atubang ang driver sang administrative case, magluwas sa criminal complaint, kun matukiban sang Provincial Environment and Natural Resources Office (PGENRO) nga wala sang nagakaigo nga permit ukon dokumento ang truck nga nagakarga sang balas.
Nahibaluan nga ginserbehan man ang driver sang 90-day suspension order sang Land Transportation Office ukon LTO sadtong Oktubre 14 kag ginhatagan sang lima ka adlaw agud magpaathag.
