Natukiban sang Commission on Audit (COA) ang madamo nga kakulangan sa ginpatuman nga masobra P17.27 bilyon nga infrastructure projects sang Department of Health (DOH) lakip na ang pagtukod kag pagpasanyog sang health-care facilities sa bug-os nga pungsod.
Nakabutang sa findings nga “delayed,” “idle or unutilized,” “underutilized,” “not used for its intended purpose,” “not yet started,” ukon “unimplemented,” kag “poor structural maintenance” ang mga proyekto.
Ini nga findings ang kabahin sang 2025 annual audit report sang COA sa DOH kun sa diin gin-review ang implementasyon sang Health Facilities Enhancement Program (HFEP).
Isa sa mga na-delay nga mga ginpatuman nga mga infrastructure projects ang naga-balor sang P11.71 bilyon.
Sa sini nga amount, ang National Capital Region (NCR) amo ang may pinakamataas nga allocation kun sa diin may 14 delayed infrastructure projects nga nagabalor sang P8.44 billion.
Naga-range naman ang delays sang 203 ka adlaw tubtub sa siyam ka tuig.
Ang mga rason sa delays suno sa report amo ang DOH personnel nga nagapwesto sa construction areas, delays sa pagkuha sang necessary permits, paglain sang architectural and engineering plans, pending litigation, kag kakulangan sang coordination sa stakeholders.
Magluwas sa na-delay nga implementasyon, ginsaway man sang COA ang P3.13 billion nga balor sang infrastructure projects nga wala pa nasuguran, kun sa diin kadam-an ang natukiban sa Western Visayas.
Suno sa report, 187 infrastructure projects nga balor P3.01 billion sa Western Visayas ang wala pa nasuguran.
Kaangot sa mga rason ang nagapadayon nga preparasyon kag revisions sang architectural, engineering designs kag schematic plans, rebidding activities, late issuance sang HFEP guidelines, madamo nga pagbag-o sang project site locations kag delays sa pagsumite sang dokumento tuhoy sa lot ownership.
Nagpanugyan naman ang COA sa DOH nga magpasa sang monthly performance kag financial reports sang ila nga infrastructure projects kag mag-deploy sang technical teams nga maghatag sang assistance sa concerned local government units.
Sa amo nga report sang state auditor, nagsabat ang DOH nga maga-issue ini sang administrative orders agud maghatag sang mas istrikto kag mas kumprehensibo nga polisa sa pag-implementar kag pag-monitor sang mga proyekto sa idalom sang HFEP.
