Mang-indi si Impeachment Court Presiding Officer Chiz Escudero kun igahatag sa iya ang posisyon sa pagka-bise presidente, sa tion nga makakas sa pwesto si Vice President Sara Duterte.
Ini ang nangin panindugan ni Escudero sa iya nga podcast episode matapos sya nga ginpamangkut kun preparado sya nga batunon ang katungdan bilang ikaduha nga pangulo sang pungsod.
Suno sa iya, makabig niya nga “conflict of interest” ang nasambit nga lihok ilabi na nga nagaserbe sya bilang senator-judge nga magadesisyon sa impeachment trial kun dapat ukon indi dapat magpabilin si VP Sara sa pwesto.
Pahayag niya, indi nya luyag maglab-ot sa tion nga mangin kabahin sya sa mga mamalidha nga pagapilian bangud indi gid ini dapat nga matabo.
Ginpakigbahin man ni Escudero nga sa tion nga makakas gidman sa pwesto si VP Sara, si President Ferdinand Marcos Jr., ang may gahum nga magpili sang iga-appoint sini sa pwesto halin sa Kongreso ukon sa Kamara kag Senado.
Apang suno sa iya, pagabotohan man ini sang mga Senador kag Kongresista kun pabor ukon indi sila sa ginpili ni Presid
