Ginatudlo sang veteran journalist nga si Philip Lustre Jr., nga ang bana ni Vice President Sara Duterte nga si Atty. Mans Carpio ukon possible man nga si 1st District Davao City Rep. Pulong Duterte ang nagpasaka sang kaso batok sa iya.
Ini matapos sya nga gin-aresto sang nagligad nga Oktubre 24 sa kaso nga cyber libel nga ginfile sa iya sang “unknown complainant” nagikan sa Davao City.
Suno kay Lustre, isa ka special operation sang gintawag niya nga Davao group ang nangin lihok sa iya.
Nahibaluan nga isa ka kritiko sang pamilya Duterte ang veteran journalist nga nagsulat man sang libro nga “Kill, Kill, Kill,” may kaangtanan sa ginapahayag madugo nga war on drugs ni former President Rodrigo Duterte.
