Patay ang duwa ka basketball players matapos ginpulihan buno sang napierde nga team.
Natabo ang insidente sa Brgy. Lutac, Naga City, Cebu.
Ang mga biktima amo sanday Nino, 24-anyos kag si Samuel, 25-anyos.
Pilason naman ang isa nila ka upod nga si Estephen, 23-anyos.
Lunsay mga residente sang Brgy. Langtad sa amo nga syudad ang tatlo.
Base sa imbestigasyon, nangayaw sa paghampang sang basketball ang tatlo sa lugar sang mga suspek apang napierde nila ang grupo sang mga suspek kag nangin mainit ang eksena.
Sang manugpauli na ang mga ini, ginsugata sila sang tatlo ka mga lalaki nga ila nakontra sa hampang kag ginpangbuno ang mga ini nga nagresulta sa kamatayon sang duwa.
Natigayon naman nga madakpan ang mga suspek nga sanday “Reylan” kag “Jay” samtang nakapalagyo si alyas “John” nga isa man sa mga suspek.
