Sulod na sa quarterfinals sang Toray Pan Pacific Open ang Pinay tennis star nga si Alex Eala.
Ini matapos ginlutos sini ang world No. 38 kag Australian player nga si Talia Gibson sa tatlo ka set sang hampang, sa score nga 4-6, 6-2, 6-0.
Sa amo nga hampang, gintingwaan ni Eala nga makabawi sa una nga set kag ginsundan sini sang amat-amat nga pagkontrol sang hampang tubtob nga mangin agresibo na ang iya nga performance.
Sa deciding third set, dalayon na nga nagdaog si Eala matapos gindominahin sini ang hampang kag wala na nakapuntos si Gibson.
Dako naman ang pagpasalamat ni Eala sa mga Pilipino nga nagpadilong sa Japan agud personal ini nga suportahan.
Bangud sa sini nga kadalag-an, maatubang ni Eala sa quarterfinals ang Russian player nga si Diana Shnaider, nga naglutos sa iya sa Round of 16 ang Ningbo Open sang nagligad nga Huwebes sa China.
