Ginalauman nga tatlo ka weather system ang makaaapekto sa pungsod subong nga long Undas weekend halin Oktubre 30 tubtob Nobyembre 2, 2026.
Ini amo ang Amihan, shear line, kag Intertropical Convergence Zone (ITCZ) suno sa Philippine Atmospheric, Geophysical and Astronomical Services Administration ukon PAGASA.
Ginalauman nga maka-eksperiensya sang magal-umon nga kalangitan, pag-ulan kag pagkilat sa nagkalain-lain nga bahin sang pungsod lakip na diri ang Bicol Region, Eastern Visayas, Palawan, kag pila ka lugar sa Mindanao.
Ginamanduan ang publiko nga magdala sang payong kag maghalong sa pagbyahe kag pagbisita sa sementeryo sa tion sang tigkalalag bangud sa posible nga pag-ulan.
