I-rehabilitate sang Iloilo City Government ang sports facility sang YMCA, lakip na ang mga sports court kag swimming pool, agud mapalapad ang pasilidad nga ginagamit sang mga Ilonggo nga atleta kag pamatan-on.
Gin-anunsyo ni Mayor Raisa Treñas ang plano sa iya ikaduha nga State of the City Address (SOCA), kung sa diin ginpahayag niya ang importansya sang paghatag sang nagakaigo nga pasilidad kag oportunidad sa mga atleta agud mapauswag pa ang ila abilidad kag mangin preparado sa nagkalain-lain nga kompetisyon.
Suno kay Treñas, indi lamang pagpalig-on sang suporta kag paghatag sang pagpadasig ang kinahanglan sang mga atleta, kundi ang husto man nga mga pasilidad para sa ila paghanas.
Ginpahayag man sang alkalde nga ang pagrehabilitate sang sports facility sa YMCA isa sa mga handum sang mga eskwelahan kag pamatan-on nga luyag sang iya administrasyon nga matuman.
Text by: Bombo Cyrene A. Nasis
