Mas nagagamay na ang kalibutan ni Senator Ronald “Bato” Dela Rosa kasunod sang P50-million nga padya nga gintanyag sang Department of the Interior and Local Government (DILG) kag isa ka semana nga ultimatum nga gin-anunsyo sang Philippine National Police (PNP).
Ini ang ginpahayag ni Palace Press Officer Undersecretary Claire Castro samtang nga padayon ang pagpangita kay Dela Rosa nga may standing arrest warrant halin sa International Criminal Court (ICC) bangud sa crimes against humanity charges.
“Totoo na lumiliit ang mundo ni Senator Bato dahil ang maaaring makakita sa kaniya ay magbibigay ng impormasyon agad-agad sa PNP at sa ibang law enforcement agencies,” suno kay Castro.
Ginbasa man sini ang statement sang DILG kag PNP kag nagpahayag nga mas ginpabakod pa ang manhunt operation batok sa pugante nga senador.
“The combined effect of heightened police operations increase public awareness and the bounty announcement has substantially narrowed the senator’s ability to move freely without drawing attention,” suno kay Castro sa iya ginbasa nga joint statement.
“We likewise appeal to Senator Dela Rosa to voluntarily surrender to the proper authorities and submit himself to the legal process with dignity,” dugang sini.
Wala na naghatag sang dugang nga detalye si Castro kaangot sa mga operasyon nga ginahimo.
Nahibaluan nga ginapangunahan ni Police Lieutenant General Wilson Joseph Lopez ang task force nga nagapasiguro sang matalunsay nga koordinasyon sang tanan nga may kaangtanan nga ahensya para nga maaresto si Dela Rosa.
Ginklaro man ni Castro nga halin sa confidential funds sang DILG ang P50-million nga padya nga ihatag sa makatudlo sa senador.
Nauna naman nga nagdangop liwat sa Korte Suprema ang kampo ni Dela Rosa agud magpangayo sang intervention para mapunggan ang pag-aresto sa iya may kaangtanan sa arrest warrant nga ginpagwa sang ICC.#
