TESDA, magahatag sang skills training kag assessment sa mga barangay health workers

Makakuha sang skills trainings, competency assessments kag livelihood opportunities ang mga Barangay Health Workers (BHWs).

Kasunod ini sang ginpirmahan nga kasugtanan sang Technical Education and Skills Development Authority (TESDA) kag Department of Labor and Employment (DOLE) upod ang National Public Workers Congress (PUBLIK) kag Malayang Kalipunan ng Barangay Health Workers sa Pilipinas (Maka-BHW Pilipinas-PUBLIK).

Suno kay Labor Secretary Francis Tolentino, katuyuan sang ini nga partnership amo nga mahatagan sang professional development kag employment opportunities sa mga community health workers bangod sa kontribusyon nila bilang frontliners sang panahon sang COVID-19 pandemic.

Ginpasiguro sang DOLE nga ang ini nga kasugtanan ang pamaagi agud nga mapabakod ang koordinasyon sang mga ahensiya kag organisasyon agud mapauswag ang mga serbisyo nga ginahatag sa mga health workers sa bug-os nga pungsod.