Luyag sang aktres nga si Kris Aquino nga mangin isa ka tiglikom sang Department of Health (DOH) kun mahatagan siya sang tsansa nga magserbisyo sa gobyerno.
Suno kay Aquino, interesado siya nga makabulig sa pagnubo sang presyo sang mga bulong sa Pilipinas agud mabuligan ang mga Pilipino, ilabi na ang mga nabudlayan sa pagbakal sang mga malahalon nga bulong.
Samtang, iya man nga ginahandom nga mabuhinan ang tax sa mga imported nga bulong.
“Alam nilang hindi ako magnanakaw and ‘yung mapababa lang ang cost ng gamot, ang laking bagay na. Maybe by not taxing the importation of medicine so high, we can already make it so affordable,” suno kay Aquino.
Kaangot diri, ang iya mismo nga mga kabudlayan sa pagpabulong sa iya balatian ang naghatag sa aktres sang mas madalom nga paghangop sa mga eksperyensiya sang mga pasyente sa pungsod.
Sa karun, wala pa sang pormal nga anunsyo angot sa posible nga pag-appoint kay Aquino sa DOH.
