Gin-athag sang isa ka physical therapist nga may ara sang nagkalain-lain nga klase sang injury nga maagum halin sa vehicular accident kag indi lang ang masami nga fracture kag dislocation.
Sa interview sang Bombo Radyo sa isa ka licensed physical therapist nga si Krystal Joy M. Apostolero, iya nga ginpahayag nga madamo posible nga matabo sa isa ka biktima sang pagka-aksidente sa salakyan kaangay sang traumatic brain injury, spinal cord injury, muscle strain, kag iban pa.
Suno sa iya, samtang nagakatabo ang isa ka aksidente, naga-tense ang muscles kag t endons agud nga mapreparar ang kalawasan sa palaabuton nga gulpyada nga impact kun sa diin naga-resulta ini sa ginakabig nga violent stretch nga naga-epekto sang micro-tears sa muscles kag tendons.
Iya man nga ginpunto ang importansya sang diagnosis agud mahibaluan kun ang kaso isa ka orthopedic case, neurological case, ukon posible man nga iban pa nga kondisyon, bangud diri ibase ang paghimo sang treatment plan.
Ginpahanumdom man ni Apostolero nga mahimo lang kuntani nga magpati ang publiko sa mga professionals, kag mamangkot gid sa mga ini tuhoy sa mga impormasyon angot sa physical therapy.
Dugang pa sini, importante man nga mag-check sang ila nga mga lisensya kag sundon ang ila nga advice angot sa pagpaayo sang mga injuries.
