Nagpahanumdom ang Bureau of Fire Protection (BFP) – Iloilo City sa mga pumuluyo nga maghalong sa posible nga mga sunog subong nga mainit ang panahon.
Sa interview sang Bombo Radyo kay Acting Chief sang Intelligence and Investigation Unit kag Public Information Unit sang BFP – Iloilo City SFO1 Denmark Macoco, ginpahayag niya nga partkular nga dapat halungan ang mga light material sa mga panimalay parehas sang mga kahoy, kawayan kag plywood nga mahapos kaunon sang kalayo.
Iya man ginpahanumdom nga likawan ang paghaboy sang mga nagabaga pa nga upos sang sigarilyo sa mga mala kag laya nga dahon ukon sa mga basura bangud posible gid ini tunaan sang kalayo.
Sa pihak nga bahin, ginapanugyan man ni Macoco sa mga pumuluyo nga maghalong kag siguraduhon nga magdala sang payong kung mag-gwa sa mga panimalay agud malikawan ang heat-related illnesses.
