Nagapati si National Bureau of Investigation (NBI) Director Melvin Matibag nga dako ang tyansa nga madakpan nila ang pugante nga si Senator Ronald “Bato” Dela Rosa.
Suno kay Matibag, nagapadayon pa sa gihapon ang pagpangita sang ahensiya sa senator kun sa diin ginapatihan nga yara lamang ini sa sulod sang pungsod.
Dugang pa, indi pa sa subong masabat ni Matibag kun yara gid man sa Mindanao ang si Dela Rosa kasunod sa nga alegasyon sang kahimtangan sang senator.
Nahibaluan nga ginapahayag nga may yara sang grupo sa Mindanao ang nagaprotektar kay Dela Rosa.
Matandaan nga may yara sang arrest warrant nga gin-isyu ang International Criminal Court ukon ICC batok kay Dela Rosa bilang indirect co-perpetrator sa crimes against humanity nga may kaangtanan sa mga pagpamatay kadungan sang kampanya kontra droga sa idalum sang administrasyon ni former President Rodrigo Duterte.
Matandaan man nga gin-anunsyo ni Department of the Interior and Local Government (DILG) Secretary Jonvic Remulla nga may ₱50-million nga patong sa ulo ni Sen. Ronald “Bato” Dela Rosa.
