Nagpahanumdom ang Malacañang sa tanan nga ahensya sang gobyerno nga ipabilin nga simple ang ila nga Christmas party subong nga tuig kasunod man sa naga-eksister nga austerity measures sang gobyerno.
Suno kay Palace Press Officer Claire Castro, indi na kinahanglan nga magpagwa sang mga panibag-o nga instructions bangud nagapabilin ang mga ginapatigayon nga tikang sang gobyerno sa pagkinot.
Pahayag pa sini nga mas madamo sang mga nagapanguna nga isyu nga kianhanglan nga hatagan sang pagtamod kag pondohan sang gobyerno.
Sa matandaan nga sadtong 2025, nagpagwa si President Ferdinand Marcos Jr. sa memorandum circular nga nagamando sa mga national government agencies kag local government units nga himuon nga simple ang ila nga Christmas celebrations kasunod sang sunod-sunod nga kalamidad nga nag-igo sa pungsod.
