Ginkumpirma sang Department of Migrant Workers nga isa ka Filipino seafarer ang napatay kag isa naman ang nasamaran sa ginasakyan sang mga ini nga barko sa Persian Gulf.
Suno kay DMW Secretary Hans Leo Cacdac, lakip sa mga nasamaran ang pilason nga Pinoy crew sa Marshall Islands-flagged tanker nga MT Velos Sapphire.
Base sa pauna nga imbestigasyon, naigo sang projectile nga nagtuga sang pagkasunog sa barko kaagahon sang Huwebes, Nobyembre 5.
May ara sang 22 nga mga Filipino nga sakay ang barko sang natabo ang insidente.
Padulong kuntani sa Bahrain ang barko sang matabo ang pag-atake.
Padayon naman bulig nga ginapatigayon sang DMW sa mga nasamaran nga biktima.
Nagapati ang manager sang barko nga posible isa lamang ka sahi sang missile ang nag-igo sa barko.
Nagapakig-angot naman ang DMW sa manning agency sang barko agud nga safe nga makapauli ang mga iban pa nga nakaluwas nga Pilipino.
