Gin-anunsyo sang Bureau of Fisheries and Aquatic Resources (BFAR) nga magasugod na ang three-month closed fishing season sang sardinas sa pila ka bahin sang Pilipinas sa Disyembre 1, 2026 nga magalawig tubtob sa Marso 1, 2026.
Kasunod ini sang Fisheries Administrative Order (FAO) No. 278, Series of 2026 nga nagatuyo sa pagpadamo kag pagprotekta sang sardinas.
Lakip sa mga apektado nga area amo ang masunod:
Macajalar Bay
Gingoog Bay
Iligan Bay
Panguil Bay
Murcialagos Bay
Butuan Bay
Sogod Bay
Cogtong Bay
Guindulman Bay
Suno sa BFAR, mahimo man nga may ara sang mangin pagbag-o sa iga-implementar nga FAO kun may ara sang mandato base sa mga pagtuon.
“Unless there is an official change based on scientific study and consultation.”
Ang nasambit nga tikang sang ahensya ang tinutuyo liwat nga ipatuman bangud sa resulta sang pagtuon sang National Fisheries Research and Development Institute – National Stock Assessment Program (NFRDI-NSAP) nga nagnubo ang populasyon sang FMA 9 ukon sardinas bangud sa overfishing.
“Through the closed season, sardines are given the chance to reproduce and increase in number once again. In this way, fisherfolk are helped to sustain their livelihoods.”
Yari naman ang mga gamit ukon fishing gears nga pagadumilian sa tion sang closed season:
Bagnets ukon basnig
Ring nets
Drift gillnets
Encircling gillnets
Purse seines
Scoop nets
“Restrictions on the use of municipal and commercial fishing vessels, in accordance with the provisions of FAO No. 278. There are also specified exceptions,” dugang pa sang BFAR.
Sa tion nga may ara sang madakpan nga nagalapas sa nasambit nga administrative order, magapangatubang ang mga ini sang penalidad.
Kabahin diri ang pagkumpiska sang fishing gear, kag iban nga yara sa idalom sang Republic Act No. 10654 or an Act to prevent, deter, and eliminate illegal, unreported and unregulated fishing, amending Republic Act No. 8550 or the Philippine Fisheries Code of 1998.
“Protecting sardines today is an important step to ensure that our oceans have enough fish for sustainable food security for future generations,” suno sa ahensya.
