Guba, indi mapuslan kag wala nagagana ang tatlo ka elevator sa La Paz Public Market.
Sa interview sang Bombo Radyo kay Rolyn, isa ka vendor sa nasambit nga mercado, iya ginpahayag nga mabudlay para sa ila nga mga manug-baligya ang wala nagagana nga elevator bangud malaka kag pipila lang ang mga manug-bakal nga nagakadto sa second floor.
Nahibaluan nga ang nasambit nga mercado ang isa ka newly renovated market kag tubtob ini sa duha ka panalgan.
Bangud sa wala nagagana nga elevator, halos sang nagabakal ang wala na lang nagasaka sa ika-duha nga panalgan bangud sa makapoy kag mabudlay magsaka.
Suno kay Rolyn, nagaka-apektuhan gid ang ila nga kita, amo man ang kabudlay sa pagpasaka sang ila nga mga baligya ilabi na kun ini ang mga mabug-at hakwaton.
Pahayag pa niya, ang bahin naman sang parking area ang indi man magamit para kuntani maka-deliver sang mga supply bangud nga under construction man ini.
Ginpahayag man niya nga ila naman na ginpalab-ot sa head sang merkado ang nasambit nga mga isyu apang tubtob subong wala pa sa gihapon sang lihuk nga ginapatuman.
Ginpahayag man ni rolyn nga, halin march sang nag sugod sya take over sang pwesto wala na ga function ining elevator
Dugang pa ni Rolyn, manug isa na ka tuig ang nasambit nga mercado rason nga ila ginapangabay nga kuntani tutukan kag makay-o na sang city government ang mga nasambit nga mga isyu agud ini ang mapuslan sang manugbakal kag manugbaligya.
