Nahatag na ni Iloilo Governor Arthur Defensor Jr. ang ₱68.47 million nga pinansyal nga bulig para sa disaster risk reduction and management (DRRM) projects sa mga banwa kag barangay sang Iloilo.
Sa kabug-usan, ₱39.57 million ang ginhatag sa walo ka banwa para sa mga proyekto kaangay sang evacuation centers, rescue boats, emergency vehicles kag early warning systems.
Samtang, ₱28.9 million naman ang ginhatag sa 21 ka barangay para sa pagbakal sang emergency response vehicles, rescue boats kag pagtukod sang evacuation centers.
Luyag sang provincial government nga mapabakod pa ang kahandaan kag kapasidad sang mga local government units sa pagresponde sa mga kalamidad kag emerhensya agud masiguro ang kaluwasan sang mga pumuluyo.
Text by: Bombo Lynd-C Bade
