Wala ginalauman sang kampo ni Vice President Sara Duterte nga usisaon sang prosekusyon kag mga senator-judge ang pagbiyahe sa China sang ila testigo nga si Davao City Assessor Engr. Jaime Adalin.
Una na nga gin-athag ni Adalin nga personal nga biyahe ang ila pag-kadto sa China, upod ang City Administrator sang Davao City kag pila ka mga engineer.
Suno naman kay Defense Counsel Michael Poa, indi nila mapunggan ang mga senator-judge sa pagpamangkot nahanungod sa nasambit nga pagbiyahe.
Suno sa iya, posible nga ginahibalo lamang sang mga senador ang kredibilidad sang testigo, nga kabahin sang proseso sa isa ka trial.
Gindugang pa ni Poa nga gina-respeto nila ang kinamatarong sang mga senator-judge nga mag-usisa sa nasambit nga pagbiyahe para man maklaruhan ang tanan.
