Mangin apektado ang flight sang pila ka mga airlines sa pungsod halin November 13-18, 2026, bangud sa patigayunon nga 49th ASEAN Summit sa Pilipinas.
Apektado ang pila sa mangin byahe sang Philippine Airlines, Cebu Pacific, kag Air Asia.
Nahibaluan nga mahimo ma-rebook nga wala sang bayad ukon penalties, magfull refund, kag ipa-convert sa travel fund ang nabaydan na mga ticket.
Nagapahanumdom man ang Department of Transportation nga importante gid nga magkoordinar ang mga pasahero sa ila airlines para sa mas updated nga schedule sang ila nga flight.
Nagapasalig man si Transportation Secretary Vince Dizon nga mangin convenient kag hassle-free ang options sang mga pasahero nga mga apektado sang nasambit nga aktibidad.
