Nagapangaduha sa may pinakamataas nga inflation rate sa pungsod ang Western Visayas sa bulan sang Oktubre 2026.
Base sa inflation report sang Philippine Statistics Authority – Regional Statistical Services Office (PSA -RSSO) 6 , nagsaka sa 9.7 ang inflation rate sa Western Visayas sa bulan sang Oktubre 2026.
Mas mataas ini kon ikumpara sa 9.2 nga inflation rate sang nagligad nga Setyembre 2026 kag 0.7 sang Oktubre 2025.
Ang transport ang mayor nga source sang pagsaka sang inflation rate sini nga Oktubre 2026 nga may 26.0 percent nga inflation rate, halin sa 16.9 percent sang September, kag 94.0 percent nga share sa pangkabilugan nga inflation rate sa rehiyon.
Samtang, ang food and non-alcoholic beverages ang nanguna sa major contributors sa October 2026 inflation, nga may 8.0 percent nga inflation rate. Ginsundan ini sang transport nga may 26.0 percent nga inflation kag housing, water, electricity, gas and other fuels nga may 8.0 percent nga inflation.
Ang bugas ang nanguna sa top five contributors sa October 2026 inflation sa Western Visayas.
Ginsundan ini sang other passenger transport by road, electricity, gasoline, kag restaurants, café and the like.
