Gindepensahan ni Justice Secretary Fredderick Vida ang paghatag sang padya sang gobyerno para sa bisan sin-o nga makahatag sang impormasyon agud madakpan si Sen. Ronald “Bato” dela Rosa.
Sa matandaan nga halin sang bulan sang Mayo, wala na makit-an sang publiko ang senador matapos may ginpagwa ang International Criminal Court (ICC) nga warrant of arrest batok sa iya.
Naghatag na ang gobyerno sang P50 milyon nga padya para sa bisan sin-o nga makahatag sang impormasyon nga magabulig sa iya pagdakop.
Gindugang pa ni Secretary Vida nga biskan ang iban nga ahensya sang gobyerno ang yara sa likod sini kag suno sa iya, legal ini nga ginahimo.
Ginpahayag man ni Vida nga ang pagkadula ni Dela Rosa samtang yara siya sa kustodiya sang Senado ang nagapakita nga makaladlawan ang gobyerno sang pungsod.
Ginsiling man niya nga sang una, ginarespeto sang executive branch ang desisyon sang Senado nga akuon ang pag-atipan kag seguridad kay Dela Rosa, apang kaangay nga wala naman narespeto ang proseso para sa mga tawo nga may ara sang salabaton sa layi.
