Indi magtambong ang corporate counsel sang Gencorp Industries Inc. sa impeachment trial ni Vice President Sara Duterte bwas, Nobyembre 9, bangud sang na-schedule nga medical examination.
Suno kay House Lead Prosecutor Representative Gerville Luistro, nakabaton sila sang notice nga nagapahayag nga indi magtambong ang abogado sang GenCorp nga si Atty. Suzette Balucang-Punay bangud sa na-schedule nga magnetic resonance imaging (MRI) scan.
Suno kay Luistro, ang subpoena nga nadagdag kay Punay amo ang Lunes tubtub sa Myerkules, apang bangud wala ini bwas, ginaantisipar ang iya pag-atubang sa Myerkules.
Nahibaluan nga magabalik ang Senate impeachment trial alas-10 sang aga bwas.
Suno kay Luistro, ginapaabot nila nga ang mga testimoniya bwas ang magatutok sa Land Registration Authority.
Ang expected witnesses suno sa prosekusyon amo sanday engineer Jaime Adalin, Davao City assessor; engineer John Kenneth Enumerables, Island Garden City of Samal assessor; kag Cindy Colina, barangay captain sang Matina Crossing, Davao City.
