Nagpanawagan ang hollywood actress kag humanitarian nga si Angelina Jolie sang mas dako nga investment sa mga vulnerable sectors sa Southeast Asia kag indi lamang mangin independent sa humanitarian aid.
Sa iya speech sa ASEAN Inclusive Growth Summit sa Taguig City, ginpakigbahin niya ang masobra duha ka dekada niya nga eksperyensya kag malawig nga kaangtanan sa Cambodia.
Ginpunto man niya nga manggaranon ang mga pungsod sa ASEAN sa natural resources, kultura kag abilidad sang mga tawo sini.
Suno sa iya, indi matuod nga inclusive ang pag-uswag kun wala ginahatagan sang pagtamod ang mga imol kag vulnerable sektor sang komunidad.
Gina-engganyo man niya ang paghatag sang patas nga oportunidad sa edukasyon, pag-negosyo, pangabuhian kag personal growth sang mga tawo agud makasuporta sa ila kaugalingon nga kinahanglanon.
