Indi magnubo sa 24 ka tawo ang napatay samtang 11 pa ang nasamaran matapos magbungguanay ang isa ka bus kag truck sa Assam, India.
Natabo ang aksidente malapit sa Kaziranga National Park, nga isa ka UNESCO World Heritage Site.
Lakip sa mga napatay suno sa mga report ang pila ka estudyante sa kolehiyo.
Gindala naman gilayon sa Jorhat Medical College and Hospital ang mga nasamaran agud mahatagan sang gilayon nga pagbulong.
Base sa una nga imbestigasyon, posible nga madasig ang pagpadalagan sang isa sa mga salakyan antes natabo ang aksidente.
Padayon pa nga ginahibalo sang mga otoridad ang matuod nga rason sang pagbungguanay.
Nagpaabot naman sang iya pagpakig-unong si Assam Chief Minister Himanta Biswa Sarma kag ginapasiguro nga magabulig ang gobyerno sa paghatag sang kinahanglanon nga bulig sa mga biktima.
Nahibaluan nga indi lamang ini ang una ka bes nga may natabo nga aksidente sa nasambit nga bahin sang kalsada, bangud sang tuig 2025, naglab-ot sa masobra 183, 000 man ang napatay bangud sa aksidente.
