Nagahingyo sang rationalization kag reconsideration sang pondo ang League Municipalities of the Philippines (LMP) sa Department of Budget and Management (DBM) para sa Collective Negotiation Agreement (CNA) incentives.
Ang nasambit nga insentibo amo ang para sa mga empleyado sang tagsa ka Local Government Unit (LGUs).
Sa interview sang Bombo Radyo kay Mayor Suzette Mamon sang Badiangan kag President sang League Municipalities of the Philippines (LMP) Iloilo, iya ginpahayag nga nakabase man ang CNA incentives sa cost savings sang mga empleyado.
Suno kay Mamon, ang ini nga kasuguan base sa bag-o nga guidelines kag policies nga gin-isyu man mismo sang DBM kun sa diin ginatinguhaan man nila nga malagas kag matuman.
Ginpunto man niya nga naga-comply man ang mga empleyado kun sa diin ginpirmahan man nila ini bilang kasugtanan para sa compliance sa polisa sang gobyerno.














