Gindayaw ni United States President Donald Trump ang pagpanguna sang Pilipinas bilang host sang Association of Southeast Asian Nations (ASEAN) subong nga tuig, nga gintawag sini nga isa ka record year.

Sa iya nangin mensahe sa ASEAN-US Special Summit kag US-ASEAN Dinner sa Manila, ginpasalamatan ni Trump si President Ferdinand Marcos Jr. sa mainit nga pagbaton sa iya.

Ginpahayag man ni Trump nga madugay na sini nga kilala ang mga ginikanan ni Marcos kag naglahog man ini nga maanyag ang genes sang president.

Gindayaw man niya ang pamilya ni Marcos, lakip na ang iya bata nga si House Majority Leader Sandro Marcos, nga suno kay Trump may matahom ini nga palaabuton.

Ginkilala man sang US president ang Pilipinas bilang isa ka malapit kag madugay na nga kaalyado sang Estados Unidos.

Dugang pa ni Trump, isa ka daku nga kalipay para sa iya ang makabalik liwat sa Pilipinas.