Nagpatigayon sang labing una nga trilateral meeting sanday Chinese President Xi Jinping, US President Donald Trump, kag Russian President Vladimir Putin sa Shenzhen, China, kadungan sang APEC Summit, Nobyembre 19, 2026.

Nagdugay sang ginabanta 90 minutes ang ila nga pagpakighinun-anon kun sa diin lakip sa ila nagapanguna nga gintalakay amo ang nahanungod sa gyera sa Ukraine kag ang pag-control sang nuclear weapon.

Suno kay Trump, importante nga ma-estoryahan sang tatlo ka pungsod ang pagbuhin sang mga nuclear weapon, samtang ginpunto naman ni Xi nga ang dalayon nga pagpauntat sini agud mauntat na ang mga nuclear war.

Pahayag naman ni Putin, may pagkapalareho ang interes sang tatlo ka pungsod sa paglutas sang mga inaway sa nagakalain-lain nga rehiyon, lakip na ang gyera sa Ukraine.

Ginpunto naman ni Xi nga responsibilidad sang may dalagkuan nga pungsod nga may ara sang gahom nga magbinuligay kag mapabilin ang kaayuhan kag seguridad sang bilog nga kalibutan.

Samtang, nagpahayag naman ang pila ka mga lider nga may magamay nga ekonomiya sang kahangawa nga may posibilidad nga indi mangin prayoridad ang ila nga interes sa mga desisyon nga pagahimuon sang mga nasambit nga powerful countries.

Sa pihak sang makasaysayan nga pagpakighinun-anon, magamay sa gihapon ang paglaom sang mga analyst sa gilayon nga konkreto nga kasugtanan bangud nagakalain-lain ang interes kag prayoridad sanga tatlo ka pungsod.