Wala sa gihapon madepensahan sang mga testigo nga ginpresentar sang Defense team suno kay Lead Prosecutor kag Batangas Rep. Gerville Luistro ang mga alegasyon nga ginahaboy batok kay Vice President Sara Duterte.

Ini apisar, nakapresentar na ang kampo sang anom ka mga testigo agud madepensahan ang 817 milyon pesos unexplained wealth sang bise presidente.

Suno kay Luistro, tubtob subong, wala sa gihapon nasabat sang mga testigo sang depensa ang mga ebidensya nga ginakwestyon sang prosekusyon kag sang publiko.

Dugang pa sang kongresista, nagapabailin nga importante nga topiko ang mga alegasyon nahanungod sa nasambit nga manggad agud maklaruhan kag mahatagan sang sabat ang palamangkutanon sang publiko.