ILOILO CITY- Isa ka king cobra ang nakuha sang mga katapo sang Municipal Environment and Natural Resources Office (MENRO)- Tigbauan sa Brgy. Parara Sur sa amo nga banwa.
Sa interview sang Bombo Radyo kay Ariel Tentia, Wildlife Enforcement Officer sang MENRO- Tigbauan, iya ginpahayag nga nagsulod ang nasambit nga man-og sa balay sang pamilya Genzola kag sa maayo nga palad, wala ini sang may nabuntog.
Suno kay Tentia, mismo ang tagbalay ang nakadakop sang cobra matapos nga nakit-an nila ini sa ila sala.
Pahayag niya, dako nga palaligban naman kun sa diin naghalin ang cobra.
Posible suno kay Tientia nga may nagasagod sang amo nga man-og kag nakabuhi ini.
Magapatigayon man sang surveillance sa area sa posibilidad nga may kaupod pa ang nasambit nga man-og.
