ILOILO CITY- Nagtuga sang kabalaka sa publiko ang naobserbahan nga pagliw-as sang girder sa ginatukod nga Aganan flyover sa Pavia, Iloilo.
Sa obserbasyon sang Bombo News Team, pihak kag pihak nga porsyon gid sang girder ang nagkabos ukon wala nagtabo kag nagtapik sa poste.
Matandaan nga sa gina-construct nga flyover man natabo ang disgrasya sang Hulyo kun sa diin napintalan sang craneboom ang 2 ka pribado nga salakyan.
Ang Aganan flyover may budget nga P111,150,000 kag ang kontraktor amo ang International Builders Corporation nga kontraktor man sang Ungka flyover nga may budget naman nga P680,000,000.
Nahibaluan nga kontrobersyal man ang Ungka flyover bangud sa vertical displacement kag subong padayon man nga gina-rehabilitate apisar bag-o lang ini nahuman.
