Naghina ang Bagyo Aghon samtang nga padayon ini sa paghulag pakadto sa direksyon sang naamin-nasidlangan palayo sa Luzon.
Base sa 5:00 AM bulletin sang PAGASA,ulihi ini nga nasiplatan sa kalayuon nga 315 km/h sa nasidlangan ang Tuguegarao City, Cagayan. Dala sini ang kabaskugon sang hangin nga 130km/h malapit sa sentro kag pagmadlos nga tubtub sa 160 km/h.
Wala na subong sang anuman nga lugar nga napaidalom sa anuman nga wind signal.
Lifted naman ang tanan nga Gale Warning para sa tanan nga coastal waters apang ginalauman nga may epekto pa nga gamay kag may pagbalod-balod sa Cagayan (eastern coast), Isabela, northern Aurora kag sa northern coastal waters sang Polillo Islands, Camarines Norte, Camarines Sur, kag Catanduanes.
Base sa track forecast, magahulag si Bagyo Aghon sa direksyon nga pa-naaminhan nasidlangan sa kadagatan sang Pilipinas kag ginalantaw nga magguwa na sa Philippine Area of Responsibility sa buwas sang hapon ukon sa gab-i.
Ginalantaw man nga mapabilin na lang sini ang amo gihapon nga kabaskugon tubtub buwas nga adlaw.
Base sa inisyal nga reports sang Office of Civil Defense, lima na ka mga tawo ang napatay bangud sang paglaslas sang amo nga bagyo sa Luzon.
