May ginalantaw na nga suspek ang National Bureau of Investigation (NBI) nga gina-alegar hitman nga gin-hire ni Vice President Sara Duterte para kanday President Ferdinand “Bongbong” Marcos Jr, First Lady Liza Araneta-Marcos, kag former Speaker Ferdinand Martin Romualdez.
Ini may kaangtanan sa nangin pahayag sang bise presidente sang 2024 nga may ara siya sang ginkuha nga hitman para sa First Couple kag kay Romualdez sa isa ka online statement.
Suno kay NBI Director Melvin Matibag, may ara gid sang hitman nga gin-istorya si Duterte, apang nagapadayun pa sa gihapon ang imbestigasyon kun sa diin may ara na sila sang ginasundan nga mga ebidensya.
Matapos man ang mga threat sini sa presidente, mas nangin strikto man ang security kay Marcos, ilabi na nga may ara ini sang mga nabatun nga online threats.
Madumduman nga nagrequest naman sang subpoena si Bukidnon Representative John Keith Flores sa NBI sang nagligad nga impeachment hearing batok kay VP Sara, agud nga mapresenta sang NBI sa komite ang mga impormasyon nga natipon sa nagapadayun nga imbestigasyon.
 nga gina-alegar hitman nga gin-hire ni Vice President Sara Duterte para kanday President Ferdinand "Bongbong" Marcos Jr, First Lady Liza Araneta-Marcos, kag former Speaker Ferdinand Martin Romualdez){kind=link}