MARINA, magahatag sang 3-month extension sa mga expired kag manug-expire nga mga dokumento sang seafarers
Pagahatagan sang 3-month extension sang Maritime Industry Authority (MARINA) ang mga expired kag manug-expire nga mga Seafarer’s Record Books, Seafarer’s Identification and Record Books, kag Seafarer’s Identity Documents, sang mga Filipino seafarers nga apektado sang tension sa Middle East.
Ini ang gin-anunsyo sang MARINA kahapon nga adlaw, Sabado, Abril 25, agud nga indi man mabudlayan ang mga seafarers sa pagproseso samtang nagapadayun pa ang gyera.
Suno kay MARINA Administrator Sonia Malaluan, sakop sang extension ang mga dokumento nga manug-expire sa Hunyo 30, 2026.
Nagpahanumdom man ang ahensya sa mga shipping companies, ship owners, kag Licensed Manning Agencies (LMAs) nga gilayon nga ipalab-ot sa ila pamaagi sa email ang mga apektado nga mga seafarers sa pagpanguna sang ila nga mga company representatives kag vessel masters sa idalom sang Advisory No. 2026-21.
